ڪراچي/اسلام آباد(رپورٽر / بيورو) پاڪستان پيٽروليم ڊيلرز ايسوسيئيشن رليف اسڪيم جي طريقي تي تحفظات جو اظهار ڪيو آهي ۽ پيٽرول فراهم ڪرڻ کان انڪار ڪيو آهي. ڪراچي ۾ پريس ڪانفرنس ڪندي وائيس چيئرمين پي پي ڊي اي انور ڪمال چيو ته رليف اسڪيم جي تياري ۾ ڊيلرز سان صلاح نه ڪئي وئي، ۽ موجوده طريقو لاڳو ڪرڻ ڏکيو آهي. هن چيو ته عوام کي سڌو ۽ آسان طريقي سان رليف فراهم ڪيو وڃي، ڊيلرز جو سرمايو اڳ ئي مهانگائي کان متاثر آهي، جڏهن ته آئل مارڪيٽنگ ڪمپنين جا اربين رپين جا قرض به التوا ۾ آهن. انور ڪمال چيو ته رليف اسڪيم جو مالي بار ڊيلرز تي وجهڻ ممڪن ناهي، ڊيلرز مارجن ۾ واڌ جو مطالبو ڪن ٿا، اهي حڪومت جي موجوده رليف اسڪيم تحت پيٽرول فراهم نه ڪندا.وائيس چيئرمين پي پي ڊي اي وڌيڪ چيو ته حڪومت سستي پيٽرول لاءِ ڊيلرز کي ڪيئن ادا ڪندي؟ اسان ٽن ڏينهن کان حڪومت سان رابطو ڪري رهيا آهيون پر اڃا تائين ڪو به جواب نه مليو آهي. پيٽرول اسڪيم؛ وزيراعظم انتظاميا ۽ پمپ عملي تي مشتمل هڪ سهولت ڊيسڪ قائم ڪرڻ جي هدايت ڪئي. هوڏانهن وزيراعظم شهباز شريف پاران شروع ڪيل پيٽرول سبسڊي اسڪيم تحت عوام کي رليف جي اڳڀرائي جو جائزو وٺڻ لاءِ هڪ اجلاس منعقد ڪيو ويو، جنهن ۾ وزيراعظم لاڳاپيل اختيارين کي فعال رهڻ جي هدايت ڪئي. وزيراعظم آفيس پاران جاري ڪيل بيان موجب نار جي صورتحال کي نظر ۾ رکندي پيٽروليم شين جي قيمتن ۾ واڌ جي ڪري گهٽ آمدني وارن ۽ وچولي طبقي کي رليف فراهم ڪرڻ لاءِ وزيراعظم شهباز شريف جي صدارت ۾ هڪ جائزو اجلاس منعقد ڪيو ويو. اسڪيم تحت موٽرسائيڪلن، رڪشا ۽ 800 سي سي تائين گاڏين جي مالڪن کي فيول سبسڊي فراهم ڪئي پئي وڃي. اجلاس ۾ وزيراعظم عوام کي سبسڊي حاصل ڪرڻ ۾ آساني پيدا ڪرڻ لاءِ انتظاميا، رضاڪارن ۽ پيٽرول پمپ عملي تي مشتمل هڪ سهولت ڊيسڪ قائم ڪرڻ جي هدايت ڪئي ۽ چيو ته سهولت ڊيسڪ تي موجود ماڻهو اسڪيم جي اهل شهرين کي رليف فراهم ڪرڻ لاءِ رهنمائي ڪن. هن چيو ته عوام کي رجسٽريشن ۽ ٻين ضروري قدمن ۾ هر ممڪن رهنمائي فراهم ڪئي وڃي، وزيراعظم لاڳاپيل اختيارين کي هدايت ڪئي ته اهي اسڪيم بابت عوام ۾ ڪنهن به قسم جي آگاهي پيدا ڪرڻ لاءِ سرگرم رهن. اجلاس ۾ وزيراعظم کي فيول سبسڊي اسڪيم جي اڳڀرائي بابت ٻڌايو ويو ته اسلام آباد ۾ اسڪيم جي پائلٽ جي افتتاح کان پوءِ، هاڻي آزاد ڄمون ۽ ڪشمير ۽ گلگت بلتستان سميت سڄي ملڪ ۾ اسڪيم جو افتتاح ڪيو ويو آهي.اجلاس کي ٻڌايو ويو ته فيول سبسڊي اسڪيم جي مڪمل تفصيل اردو ويب سائيٽ www.pmfuelrelief.pk تي موجود آهن ۽ ڪامياب رجسٽريشن جو تعداد بتدريج وڌي رهيو آهي. وڌيڪ ٻڌايو ويو ته صوبائي حڪومتون ملڪ گير اسڪيم کي لاڳو ڪرڻ لاءِ مڪمل تعاون ڪري رهيون آهن .
