ڪراچي (ويب ڊيسڪ اين سي سي آءِ اي پاران قومي عوامي تحريڪ جي سربراهه ۽ نامياري قانوندان اياز لطيف پليجي جي طلبي خلاف سنڌ جي وڪيلن پاران عدالتي ڪارروائين جو بائيڪاٽ ڪيو ويو.
ڪراچي، سکر، شهيد بينظيرآباد، ميرپورخاص ۽ حيدرآباد ڊويزنن سميت سڄي سنڌ ۾ وڪيلن عدالتي ڪارروائين ۾ شرڪت نه ڪئي.
وڪيلن جي بائيڪاٽ سبب مختلف عدالتن ۾ ڪيسن جي ٻڌڻي نه ٿي سگهي ۽ عدالتي ڪارروائيون متاثر ٿيون.
وڪيلن طرفان اياز لطيف پليجي کي اين سي سي آءِ اي طرفان طلب ڪرڻ واري عمل تي سخت ردعمل جو اظهار ڪندي ان کي واپس وٺڻ جو مطالبو ڪيو ويو.
