باغ(عوامي آواز نيوز) مسلم ليگ (ن) جي اڳواڻ ۽ وزيراعظم جي سياسي معاملن بابت صلاحڪار راڻا ثناءُ الله چيو آهي ته پيپلز پارٽي وفاق ۾ ساڳئي پگهار تي ڪم ڪندي.آزاد ڪشمير جي علائقي باغ ۾ چونڊ جلسي کي خطاب ڪندي هن چيو ته پاڪستان ڪشمير کانسواءِ اڻ پورو آهي، ڪشمير سان پاڪستان جو رشتو ڪا به طاقت ڪمزور نٿي ڪري سگهي.هن چيو ته آزاد ڪشمير ۾ مسلم ليگ (ن) کي ٻه ڀاڱي ٽي اڪثريت حاصل ڪرڻ لاءِ وڌيڪ 6 سيٽن جي ضرورت آهي، ٻن ڏينهن کانپوءِ ٿيندڙ چونڊن ۾ 4 ”شير“ چونڊجي اسيمبليءَ ۾ پهچندا. عوام پاڪستان جا مالڪ آهن، پاڪستان جو ڪهڙو حصو آهي جتي ڪشميري ڪم نه ڪري رهيا هجن؟ پاڪستان ۾ ڪشميرين کي سمورا حق حاصل آهن،هن جو چوڻ هو ته ڪشمير ايڪشن ڪميٽي ۾ ڪيترائي ماڻهو اسان جا ڀائر ۽ محب وطن آهن. ”الٽي ڳڻپ“ وارا پاڻ به سڌا ٿي ويندا ۽ انهن جي ڳڻپ به سڌي ٿي ويندي.ان کان اڳ حويلي ۾ چونڊ جلسي کي خطاب ڪرڻ کانپوءِ ميڊيا سان ڳالهائيندي رانا ثناءُ الله چيو ته ايڪشن ڪميٽي جا ڪجهه ماڻهو ڪنهن جي ايجنڊا تي ڪم ڪري رهيا آهن. آزاد ڪشمير ۾ حڪومت قائم ٿيڻ کانپوءِ عوامي مسئلن کي ترجيحي بنيادن تي حل ڪيو ويندو.مسلم ليگ (ن) جي اڳواڻ چيو ته پيپلز پارٽي جتان به چونڊ هارائي ٿي، اتي ڌانڌليءَ جو الزام لڳائي ڇڏي ٿي.
راڻا ثناءُ الله حويلي ۾ هڪ چونڊ جلسي کي خطاب ۽ ميڊيا سان ڳالهائيندي چيو آهي ته پيپلز پارٽي وفاق ۾ پنهنجي موجوده حيثيت ۽ ذميوارين موجب ئي ڪم جاري رکندي.هن وڌيڪ چيو ته آزاد ڪشمير ۾ مسلم ليگ (ن) جي حڪومت قائم ٿيڻ کانپوءِ عوامي مسئلن کي ترجيحي بنيادن تي حل ڪيو ويندو.رانا ثناءُ الله سياسي صورتحال تي ڳالهائيندي ان عزم جو اظهار ڪيو ته خطي جي ترقي لاءِ سمورا وسيلا ڪتب آندا ويندا ۽ عوام جون مشڪلاتون ختم ڪيون وينديون.ايڪشن ڪميٽي بابت ڳالهائيندي هن چيو ته هن ڪميٽي سان لاڳاپيل ڪجهه ماڻهو حقيقت ۾ ڪنهن خاص ايجنڊا تي عمل ڪري رهيا آهن.مسلم ليگ (ن) جي اڳواڻ پيپلز پارٽيءَ تي سخت تنقيد ڪندي دعويٰ ڪئي ته هيءَ جماعت جتي به چونڊن ۾ شڪست کي منهن ڏئي ٿي، اتي ڌانڌلي جا الزام لڳائڻ معمول بڻائي ڇڏيندي آهي.هن طنزيه انداز ۾ چيو ته ”پيپلز پارٽي وفاق ۾ ساڳئي پگهار تي ڪم ڪندي رهندي.“
