تهران (ويب ڊيسڪ) ايراني پرڏيهي وزير عباس عراقچي آرمي چيف فيلڊ مارشل عاصم منير سان ٽيلفونڪ رابطو ڪيو آهي، جنهن دوران هن تازن آمريڪي حملن جي سخت لفظن ۾ مذمت ڪندي ان کي ٻنهي ملڪن جي وچ ۾ ٿيل 14 نڪاتي مفاهمتي يادداشت جي ڀڃڪڙي قرار قرار ڏنو آهي.
ايراني ميڊيا موجب، فيلڊ مارشل عاصم منير سان فون تي ٿيل گفتگو ۾ عباس عراقچي آمريڪي فوج جي ڪنهن به قسم جي اڳرائيءَ خلاف خبردار ڪيو.
هن ملڪي خودمختياري، علائقائي سالميت ۽ قومي سلامتي جي دفاع لاءِ ايراني قوم ۽ ان جي هٿياربند فوج جي عزم ۽ ارادي تي زور ڏنو.
ٻئي پاسي عباس عراقچي ترڪي ۽ عمان ۾ پنهنجي هم منصبن سان رابطو ڪيو آهي، جنهن ۾ سمورين ڌرين آمريڪا ۽ ايران وچ ۾ تازي ڇڪتاڻ جي حوالي سان سفارتڪاريءَ تي زور ڏنو.
عباس عراقچي جو چوڻ آهي ته ترڪي ۽ عمان جي پرڏيهي وزيرن علائقائي مسئلن جي حل ۽ ڇڪتاڻ ۾ واڌ جي روڪٿام لاءِ” گڏجي ڪم ڪرڻ جي اهميت تي زور ڏنو آهي.“
