لاهور (ويب ڊيسڪ) پي سي بي چيئرمين محسن نقوي ايل سي سي اي گرائونڊ ۾ جاري ريڊ بال ڪئمپ جو دورو ڪيو، جتي هن رانديگرن ۽ ڪوچز سان ملاقات ڪئي.
ان موقعي تي ميڊيا سان ڳالهائيندي هن چيو ته پاڪستان ڪرڪيٽ ۾ سڌارن لاءِ نئين پاليسين تي ڪم مڪمل ڪيو پيو وڃي.
سندس چوڻ هو ته رانديگرن جي چونڊ واري نظام کي ڪمپيوٽرائيزڊ بڻايو پيو وڃي ته جيئن انساني مداخلت گهٽ ٿئي ۽ 85 سيڪڙو فيصلا ڊيٽا، فٽنس ۽ ڪارڪردگي جي بنياد تي ٿيندا.
پي سي بي چيئرمين موجب، ڊوميسٽڪ ڪرڪيٽ کيڏڻ سينٽرل ڪانٽريڪٽ لاءِ لازمي قرار ڏنو ويو آهي ۽ سينٽرل ڪانٽريڪٽ لاءِ 5 ڪيٽيگريز متعارف ڪرايون پيون وڃن.
هن وڌيڪ چيو ته ٽيسٽ، ون ڊي ۽ ٽي ٽوئنٽي ۾ ميچ فيس وڌائي پئي وڃي، ٽيسٽ ڪپتاني جو فيصلو لاڳاپيل ٽيم ۽ سليڪشن اختياريون ڪنديون.
