ڊمبولا (ويب ڊيسڪ) سريلنڪا جي ميزباني هيٺ ٽه ملڪي سيريز جي پهرئين مقابلي ۾ ڀارت اي سريلنڪا اي کي سخت مقابلي کانپوءِ 8 رنسن تان شڪست ڏئي ڇڏي.
رنگيري ڊمبولا انٽرنيشنل اسٽيڊيم ۾ کيڏيل ميچ ۾ ڀارت اي ٽاس کٽي پهريان بيٽنگ ڪندي مقرر 50 اوورن ۾ 6 وڪيٽن جي نقصان تي 277 رنسون ٺاهيون.
ڀارت اي جي نائب ڪپتان رتوراج گائيڪواڙ شاندار بيٽنگ جو مظاهرو ڪندي 114 بالن تي 101 رنسون اسڪور ڪيون، جنهن ۾ 6 چوڪا ۽ 3 ڇڪا شامل هئا، ڪپتان تلڪ ورما 60 رنسون ٺاهيون، جڏهن ته پريانش آريا 32 ۽ آيوش بدوني 24 رنسن سان نمايان رهيا.
سريلنڪا اي طرفان محمد شيراز 2 وڪيٽون ورتيون ، چميڪا ڪرونارتني، گاروڪا سنڪٿ ۽ وانوجا ساهان جي حصي ۾ هڪ، هڪ آئي.
278 رنسن جي هدف پٺيان ڊوڙندي ۾ سريلنڪا اي جي ٽيم 48.5 اوورن ۾ 269 رنسن تي آل آئوٽ ٿي وئي.
ميزبان ٽيم جي ڪپتان ساهان آراچچيگي 74 رنسن جي ٽاپ اننگز کيڏي، جڏهن ته نيروشن ڊڪويلا 47، سديارا سماراوڪرما 46 ۽ اويشڪا فرنينڊو 45 رنسون ٺاهيون.
ڀارت اي طرفانانڪول راءِ، آيوش بدوني ۽ وپراج نگم ٻه، ٻه وڪيٽون ورتيون، جڏهن ته ارشد خان ميچ جي آخر اهم ڪردار ادا ڪندي 2 بيٽرن کي پويلين جو رستو ڏيکاريو، انشول ڪمبوج به هڪ وڪيٽ پنهنجي نالي ڪئي.
رتوراج گائيڪواڙ کي شاندار سينچري تي ميچ جو بهترين رانديگر قرار ڏنو ويو.
