اسلام آباد (ويب ڊيسڪ) آمريڪا پاڪستان کي 450 کان وڌيڪ تاريخي ۽ ثقافتي نوادرات واپس ڪري ڇڏيا آهن، جن جي نمائش اسلام آباد ۾ ٿي.
ٻطرفي معاهدي تحت آمريڪا پاڪستان کي هينئر تائين 23 ملين ڊالر ماليت جا 450 نوادرات واپس ڪري چڪو آهي.
ليگيسي ريٽرنز هوم جي عنوان تحت ٿيل نمائش کي خطاب ڪندي آمريڪي نمائندي ايس پال جو چوڻ هو ته گيلري ۾ رکيل هر مجسمو پنهنجي اندر هڪ منفرد تاريخ ۽ ثقافت رکي ٿو.
ان موقعي تي آمريڪي پرڏيهي معاملن بابت مددگار وزير ايس پال ڪپور چيو ته گذريل 10 سالن دوران پاڪستان جا 514 نوادرات برآمد ڪري واپس ڪيا ويا آهن، جن جي ماليت لڳ ڀڳ 2 ڪروڙ 30 لک ڊالر آهي.
تقريب کي خطاب ڪندي ثقافت واري وزير اورنگزيب ڪڇي چيو ته پاڪستان مان چوري ٿيل نوادرات جو آمريڪا مان واپس اچڻ آمريڪي حڪومت ۽ پاڪستاني پرڏيهي کاتي جي عملدارن جو هڪ ساراهه جوڳو ڪارنامو آهي.
