اسلام آباد(بيورو رپورٽ) سينيٽ اسٽينڊنگ ڪميٽي اجلاس ۾ لوڊشيڊنگ تي ٻحث ٿيو، جنهن ۾ سينيٽر ڪامل علي آغا پاور ڊويزن تي تنقيد ڪندي چيو ته 102 يونٽن جو بل 11,800 رپيا آيو، اوهان واهپيدارن کي قرباني جا ٻڪر سڏيو .سينيٽر سيف الله ابڙو جي صدارت هيٺ سينيٽ جي اسٽينڊنگ ڪميٽي جي اقتصادي معاملن جي اجلاس ۾ بجلي جي لوڊشيڊنگ تي بحث ٿيو. سينيٽر ڪامل علي آغا پاور ڊويزن جي عملدارن کي چيو ته توهان کي صارفين کي صارفين نه پر قرباني جا ٻڪرا سڏڻ گهرجي. سينيٽ اسٽينڊنگ ڪميٽي جي اجلاس ۾ بجلي جي لوڊشيڊنگ تي بحث دوران سينيٽر ڪامل علي آغا چيو ته پارليامينٽ لاجز جي 102 يونٽن جو سندس بل 11,800 رپيا آيو، استعمال ٿيل يونٽن جي قيمت 3,300 رپيا هئي ۽ 8,500 رپيا ٽيڪس هو.ايڊيشنل سيڪريٽري پاور ڊويزن چيو ته هن وقت قرباني جو ٻڪرو حڪومت آهي، معذرت سان، جڏهن کان سولر آيو آهي، صرف 200 يونٽ سليب تبديل ٿيو آهي. ڪميٽي جي چيئرمين سيف الله ابڙو چيو ته ڪجهه هنڌن تي سپر ٽيڪس ۽ ڪجهه هنڌن تي باقاعده ٽيڪس لڳايو ويندو آهي، صرف سلطان راهي ۽ مصطفيٰ قريشي ٽيڪس باقي آهن، توهان چئو ٿا ته بجلي واڌو پر لوڊشيڊنگ ختم نه ٿي رهي آهي. پاور ڊويزن جي عملدارن جواب ڏنو ته لوڊشيڊنگ ان ڪري ٿي رهي آهي جو ايل اين جي نه اچي رهي آهي. ڪامل علي آغا پڇيو ته ڇا توهان جي سڄي 48,000 ميگاواٽ بجلي ايل اين جي تي پيدا ٿئي ٿي؟ ان تي پاور ڊويزن جي عملدارن جواب ڏنو ته اڪنامڪ ميرٽ آرڊر تحت ڪجهه هنڌن تي وڌيڪ لوڊشيڊنگ ٿي رهي آهي.
