اسلام آباد( عمران شفقت) ايران آمريڪا جنگ سبب دنيا جون سڀ نظرون پاڪستان تي آهن. پاڪستان ڏسي رهيو آهي ته ايندڙ ڏينهن ۾ جيڪڏهن اها جنگ پکڙجي وئي، ته دنيا سان جيڪو ٿيندو، پاڪستان سان خراب اثر پوندو. انهيءَ لاءِ پاڪستان تدبر، غور فڪر ۽ تياري ڪري رهيو آهي،ذريعن مطابق، پاڪستان جي حڪومت ۽ رياستي عملدار هن وقت پريشاني جي حالت ۾ آهن. ڪيترائي اهم عملدار دستياب نه هئا. هن وقت جيڪو ٿئي رهيو آهي، اهو شايد ظاهر نه هجي پر انهن جي سرگرمين ذريعي اسان ڏسي سگهون ٿا ته هو ڪهڙي حد تائين مصروف آهن.جيڪڏهن ايران سان مذاڪرات ناڪام ٿيون ته ان جو سڀ کان وڏو اثر پاڪستان تي پوندو. پاڪستان جي سرحد ايران سان ملندي آهي، ۽ جيڪڏهن ايران ۾ جنگ جاري رهي يا ڊيگهه پڪڙي، ته سڀ کان خطرناڪ اثر پاڪستان تي معاشي طور تي پوندو. پاڪستان ۾ توانائي جو بحران انتهائي شديد ٿي سگهي ٿو، ۽ ان جو اثر عوام جي روزمره زندگي تي پئجي سگهي ٿو، جهڙوڪ ٻيا ملڪ جيئن هندستان ۾ پيٽرول لاءِ لائنون لڳن ٿيون، اسان جو حال ان کان به خراب ٿي سگهي ٿو.انهيءَ سبب، هن صورتحال تي غور ڪندي، صدر عارف علي زرداري ۽ وزيراعظم جي موجودگي ۾ اهم اجلاس ٿيو، جنهن ۾ ناڻي وارو وزير،گهرو وزير، ڊي جي آءِ ايس آءِ، نيشنل سيڪيورٽي ايڊوائزر ۽ ٻيا اهم شخصيات شامل هئا. اجلاس جي وڊيو مان ڏسي سگهجي ٿو ته شرڪت ڪندڙن جي باڊي لينگوئيج ۽ چهرن تي پريشاني واضح آهي.هي ميٽنگ پاڪستان لاءِ انهيءَ سبب اهم هئي ته جيڪڏهن ايران ۽ آمريڪا جو ڳالهيون ڪامياب نٿيون ٿين ته پاڪستان کي سڀ کان گهٽ نقصان پهچي. ايران ۾ جنگ وڌي وئي ۽ ايران کي نقصان پهتو ته پاڪستان جي سلامتي کي خطرو آهي. نيتن ياهو پڻ بار بار چوندو آهي ته ايران ۽ پاڪستان اسان لاءِ وڏا خطرات آهن.
، ۽ پاڪستان جي ايٽمي صلاحيت هڪ اهم عنصر آهي.
