دبئي (ويب ڊيسڪ) انٽرنيشنل ڪرڪيٽ ڪائونسل (آءِ سي سي) ويسٽ انڊين رانديگر جيون سيئرلز، ٽيم آفيشلز چترانجن راٺوڙ ۽ ٽريون گرفٿ کي معطل ڪري ڇڏيو.
آءِ سي سي طرفان جاري ڪيل پڌرائي موجب، ويسٽ انڊين رانديگر ۽ ٻن ٽيم عملدارن کي اينٽي ڪرپشن ڪوڊ جي ڀڃڪڙي تي معطل ڪيو ويو آهي، کين باربيڊوس ۾ کيڏيل بِم ٽي 10 ليگ دوران ڪرپشن جي الزامن تي معطل ڪيو ويو.
آءِ سي سي موجب، ٽنهي ڄڻن تي ميچ فڪسنگ يا ان جي سازش، ڏوهه لاءِ ورغلائن ۽ جاچ دوران سهڪار نه ڪرڻ جا الزام آهن.
ان کانسواءِ ٽريون گرفٿ تي آءِ سي سي ڪوڊ جي ڀڃڪڙي بابت جاچ ۾ سهڪار نه ڪرڻ جو به الزام لاڳو ڪيو ويو آهي.
آءِ سي سي موجب، ٽنهي ڄڻن جي هر قسم جي ڪرڪيٽ سرگرمين حصو وٺڻ تي پابندي مڙهي وئي آهي.
