اسلام آباد(عاصمه شيرازي)ايران جنگ ۾ ڪامياب ٿي رهيو آهي يا نه؟ ايران ڊرون ذريعي دبئي ايئرپورٽ تي حملو ڪيو، جنهن سبب دبئي کان نڪرندڙ ۽ پهچندڙ سڀئي اڏامون روڪيون ويون.هي دبئي لاءِ وڏو ڌچڪو آهي، جتي ايمريٽس ايئر لائن جي فلائيٽون ۽ معيشيت متاثر ٿي رهيون آهن.ايران جي سپريم ڪائونسل (آيت الله خامنائي کان پوءِ) حڪم ڏنو آهي ته پاڙيسري ملڪن تي حملو نه ڪيو وڃي جيستائين اهي ايران تي حملو نه ڪن.آبنائي هرمز تي آمريڪي ۽ اسرائيلي جهازن کي فقط ٽارگيٽ ڪيو ويندو، ٻين جهازن کي نقصان نه پهچايو ويندو.ايران جي حملن کان پوءِ نار ۾ تيل جي ترسيل متاثر ٿي آهي، جنهن سبب عالمي مارڪيٽ ۾ تيل جي قيمت وڌي رهي آهي.ايران مالي طور تي ڪاميابي حاصل ڪري رهيو آهي.موجوده صورتحال ۾ ايران جي حق ۾ پاڪستان جو عوامي نظريو مضبوط آهي، ۽ پاڪستان ٽياڪڙي وارو ڪردار ادا ڪري سگهي ٿو،ٻئي پاسي آمريڪا اسرائيل کي هنگامي صورتحال ۾ هٿيار فراهم ڪرڻ جي منظوري ڏني آهي.رپورٽون ظاهر ڪن ٿيون ته اسرائيل اندروني طور تي ڪمزور آهي، ۽ ميڊيا تي مڪمل سنسرشپ آهي.ايران جا ڊرون (جهڙوڪ "شاهد”) گهٽ قيمت وارا پر انتهائي موثر ۽ خطرناڪ ثابت ٿي رهيا آهن.ايران جي معيشت ڪنهن ٻئي ملڪ تي منحصر ناهي، تنهنڪري اهو ڊگهي عرصي تائين جنگ کي برداشت ڪري سگهي ٿو.ايران جو مقصد آمريڪا کي مالي طور محدود ڪرڻ آهي، انهيءَ ڪري آمريڪا پنهنجن مقصدن کي پورو نه ڪري سگهندو.ايران حملن کي روڪي ڇڏيو آهي ۽ هاڻي پنهنجي گيم ٻيهر هٿ ۾ ورتي آهي.ايران، آمريڪا ۽ اسرائيل جي طاقت جو مقابلو نه صرف فوجي طور پر پر مالي ۽ اسٽريٽجڪ طور تي ڪري رهيو آهي.
