ڪراچي(م ڊ) ڪراچي جي اڳوڻي ميئر وسيم اختر چيو آهي ته هاڻي ڪراچي ۾ صرف اردو ڳالهائيندڙ نه پر سڀئي ٻوليون ڳالهائيندڙ تنگ آهن.ميڊيا پروگرام ۾ ڳالهائيندي وسيم اختر چيو ته توهان پاڻ شهري-ڳوٺاڻي سنڌ جو ٻج پوکيو، جيڪو نفرت جو ٻج آهي، جنهن جا نتيجا نڪري رهيا آهن، ڪراچي جو مسئلو اڄ جو ناهي، هتي ڪنهن جو اختيار ناهي، گل پلازه واقعي ۾ معصوم ماڻهو پنهنجيون جانيون وڃائي ويٺا، ڪاروبار تباهه ٿي ويا. ڪراچي جي اڳوڻي ميئر چيو ته اهي ماڻهو ڪڏهن به مقامي حڪومتي نظام کي مضبوط نه ڪندا، اهي چاهين ٿا ته ايم اين اي ۽ ايم پي اي فنڊ ملندا رهن ته جيئن ڪم گهٽجي ۽ ڪرپشن جاري رهي. هن چيو ته اڄ هن حادثي مان لاوو ڦُٽي پيو آهي، پيپلز پارٽي ڪراچي کي سنڀالي نٿي سگهي ڇاڪاڻ ته اها مڪمل طور تي ناڪام ٿي چڪي آهي.ڪراچي جي اڳوڻي ميئر چيو ته مقامي حڪومت جي اختيارن تي نيت سٺي لڳي رهي هئي، اهو ئي سبب آهي جو 18 هين ترميم جي ايم ڪيو ايم حمايت ڪئي.
