ڊبلن (ويب ڊيسڪ)آئرلينڊ آءِ سي سي مينز ٽي ٽوئنٽي ورلڊ ڪپ 2026 لاءِ 15 رڪني اسڪواڊ جو اعلان ڪري ڇڏيو آهي.
آئرش ٽيم جي قيادت هڪ ڀيرو ٻيهر تجربيڪار اوپنر ۽ ٽي ٽوئنٽي فارميٽ ۾ سڀ کان وڌيڪ رنسون ٺاهيندڙ پال اسٽرلنگ ڪندو، جڏهن ته وڪيٽ ڪيپر بيٽر لوڪران ٽڪر نائب ڪپتان هوندو.
ٻين رانديگرن ۾ مارڪ اڊيئر، ڪارٽس ڪيمفر، جارج ڊُڪريل، جوش ليٽل، بيري ميڪارٿي، هيري ٽيڪٽر، لورڪن ٽيڪٽر، بين وائٽ ۽ جارج ينگ شامل آهن.
عالمي ڪپ لاءِ اعلانيل اسڪواڊ ۾ شامل 15 مان 12 رانديگر گذريل ايڊيشن جو به حصو هئا، جڏهن ٽِم ٽيڪٽر، بين ڪيلٽس ۽ ميوٿيو همفريز ڀيرو ميگا ايونٽ ۾ حصو وٺي رهيا آهن.
واضح رهي ته آئرش ٽيم نائون ڀيرو ٽي ٽوئنٽي عالمي ڪپ ۾ شرڪت ڪري رهي آهي.
آئرلينڊ ٽيم جي بهترين ڪارڪردگي 2009 ۽ 2022ع ۾ سامهون آئي، جڏهن ان ٻئي مرحلي لاءِ ڪواليفاءِ ڪيو ۽ اڳوڻي چيمپيئن ويسٽ انڊيز ۽ انگلينڊ کي شڪست ڏني هئي.
