اولهه آفريڪا ملڪ گيمبيا جي سمنڊ ڪناري تي 200 پناهگيرن کي کڻي ويندڙ ٻيڙي ٻڏي وئي.
پرڏيهي ميڊيا موجب، اربع جي رات اترين سامونڊي پٽي واري علائقي جي جينڪ ڳوٺ ۾ ٻيڙي اونڌي ٿي وئي، جنهن ۾ اٽڪل ٻه سئو پناهگير سوار هئا.
ميڊيا رپورٽن موجب، يورپ وڃڻ جا خواهشمند پناهگيرن جي ٻيڙي ٻڏڻ جو اطلاع ملڻ تي انتظاميا طرفان سرچ ۽ ريسڪيو آپريشن شروع ڪيو ويو، جنهن ۾ 96 پناهگيرن کي بچايو ويو.
رپورٽ موجب، ٻيڙي ٻڏڻ سبب ڪيئي ماڻهو گم ٿي ويا آهن، جن جي ڳولا جاري آهي، جڏهن ته هينئر تائين 7 ڄڻن جي فوت ٿيڻ جي تصديق ڪئي وئي آهي.
