حيدرآباد(رپورٽر) حيدرآباد جي رهواسڻ فنڪار معشوق شر کي ليگل نوٽيس اماڻيندي واضح ڪيو آهي ته جيڪڏهن هن هفتي اندر ڳائڻ نه ڇڏيو ته سندس خلاف عدالت ۾ ڪيس داخل ڪيو ويندو. مليل ڄاڻ موجب حيدرآباد واسڻ غزالا پنهنجي وڪيل عبدالله راڄپر معرفت ليگل نوٽيس جاري ڪرايو آهي. جنهن ۾ ڄاڻايو ويو آهي ته معشوق شر کي ڳائڻ نٿو اچي کيس راڳ جي ڪابه ڄاڻ ناهي پر ان جي باوجود هو محفلن ۾ وڃي ڳائي موسيقي کي بدنام ڪري رهيو آهي. کيس فوري طور تي راڳ ڳائڻ بند ڪرڻ گهرجي هن جيڪڏهن 8 ڏينهن اندر راڳ ڳائڻ بند نه ڪيو ته سندس خلاف عدالت جو در کڙڪايو ويندو. اهڙو نوٽيس معشوق شر ڏانهن روانو ڪيو ويو آهي.
