گهوٽڪي(پ ر) جسقم چيئرمين صنعان خان قريشي، مرڪزي قيادت امجد خان مهيسر، ديدار شام، مومن سمون سان گڏ گهوٽڪي پهتو، منصور مهر، فقير رمضان ڪلوڙ، محبوب گهوٽو، نعمان سنڌي ۽ ٻين سندس آجيان ڪئي، جسقم چيئرمين مخالف تعزيتون پڻ ڪيون ان موقعي تي صنعان قريشي ميڊيا سان ڳالهائيندي چيو ته اُتر سنڌ ۾ امن امان جو اهم مسئلو آهي، بدامني سبب امن ۽ تعليم مڪمل تباھ ٿي وئي آهي، شهري ۽ ڳوٺاڻا غير محفوظ آهن، سرڪار ڪٿي به نظر نٿي اچي، هن وڌيڪ چيو سنڌ جي وحدت خلاف ڪا به سازش برداشت نه ڪئي ويندي، جيڪڏهن ڪنهن جي دل ۽ دماغ ۾اهو خيال آهي ته ڪڍي ڇڏي ٻي صورت ۾ سنڌ مان نڪري وڃي، هن ڪراچي جي روڊن تي پوليس ۾ ڀرتي لاءِ سيٽ پاس ڪندڙن جي احتجاج تي پوليس جي لاٺي چارج ۽ تشدد جي مذمت ڪجي ٿي.
