لاهور (ويب ڊيسڪ) پاڪستان سپر ليگ (پي ايس ايل) جي ايندڙ ايڊيشن جي ميچن جا تفصيل سامهون اچي ويا.
پاڪستان سپر ليگ جو ايندڙ ايڊيشن 26 مارچ کان 3 مئي 2026ع تائين جاري رهندو، ميگا ايونٽ ۾ هن ڀيري 6 بدران 8ٽيمون ايڪشن ۾ هونديون، هر ٽيم گهٽ ۾ گهٽ ڏهه ميچون کيڏيندي.
ٽورنامينٽ ۾ جڏهن 6 ٽيمون کيڏنديون هيون، تڏهن به فرنچائز کي گهٽ ۾ گهٽ 10 ميچون کيڏڻ موقعو ملندو هو.
پاڪستان سپر ليگ جي انتظاميا وٽ ميچن جي حوالي سان 2 آپشنز هئا، جيڪڏهن هو ڊبل ليگ جي بنياد تي ايونٽ ڪرائين ها ته 60 ميچون ٿيڻيون هيون. پر 11 هين سيزن لاءِ 39 ڏينهن جي ونڊو ۾ ائين ممڪن ناهي.
انڪري ايونٽ جي فارميٽ موجب پهرئين مرحلي ۾ جيڪو سنگل ليگ جي بنياد تي ٿيندو، هر ٽيم هڪ هڪ ميچ کيڏندي.
ٻئي مرحلي ۾ 8 ٽيمون 4-4 جي ٻن گروپن ۾ ورهايون وينديون، جتي هر ٽيم کي ٽي ٽي ميچ کيڏڻ جو موقعو ملندو ۽ ان مرحلي ۾ 12 ميچون ٿينديون.
سپر فور مرحلي جون 2 ٽاپ ٽيمون پلي آف لاءِ ڪواليفاءِ ڪنديون، جتي فائنل سميت چار ميچون کيڏيون وينديون.
پاڪستان سپر ليگ 2026 جون ميچون ڪراچي، لاهور، راولپنڊي، ملتان ۽ پهريون ڀيرو اقبال اسٽيڊيم فيصل آباد ۾ کيڏيون وينديون.
