سياري ۾ گرم چانهه جي ڪوپ کان وڌيڪ ڪا شئي ناهي، چانهه جو تازو پيتل ڪوپ نه رڳو جسم کي گرمي ڏيندو آهي پر ٻين به ڪيترن ئي طريقن سان فائدو پهچائي ٿو
پر ڇا توهان ڄاڻو ٿا ته رڳو ننڍڙو لونگ وجهي توهان چانهه جا فائدا ٻيڻا ڪري سگهي ٿو.
ماهرن موجب لونگ معدي جي هاضمي کي بهتر ڪندو آهي ۽ پيٽ ۾ ساڙي يا گيس جي تڪليف کي گهٽائيندو آهي، ان کانسواءِ لونگ ڳلي جي خرابي ۾ به آرام ڏئي ٿو.
لونگ وات جي بدبوءِ ختم ڪرڻ ۽ مهارن کي صحتمند رکڻ ۾ به اثرائتو آهي، ڇو ته ان ۾ جراثيم مار خاصيتون موجود هونديون آهن، گڏوگڏ اينٽي آڪسيڊنٽس سان ڀرپور لونگ مدافعتي نظام مضبوط بڻائي ٿو ۽ جسم کي بيمارين سان وڙهڻ ۾ طاقت فراهم ڪري ٿو.
ماهرن جو چوڻ آهي ته سياري ۾ چانهه ۾ لونگ شامل ڪرڻ سان جسم کي سڪون ۽ طاقت ملي ٿي ۽ اهو صحت لاءِ انتهائي فائديمند آهي.
