بدين (رپورٽ: رازق ڏنو کوسو) ڏيپلو پوليس ھٿان بيدردي سان قتل ڪيل نوجوان رمضان کوسو جا قاتل پوليس ٿرپارڪر گرفتار ڪرڻ ۾ ناڪام بڻجي وئي، اڳوڻي ايس ايڇ او ڏيپلو حسين بخش سومر تي مٺي عدالت ۾ پڪي ضمانت وٺڻ جون ڪوششون وٺن شروع ڪري ڇڏيون، اڳوڻو ايس ايڇ او ڏيپلو حسين بخش راڄڙکي بچائڻ لاءِ سندس سئوٽ سي آءِ اي انچارج مبارڪ راڄڙ سموري ٿيندڙ جاچ تي اثر انداز ٿيڻ سبب شھيد ڪيل رمضان کوسو جي وارثن پوليس تي بي اعتمادي ظاھر ڪري ڇڏي، کوسا برادي پاران سومر تي مٺي شھر ۾ برادري کي گڏ ٿيڻ جو اعلان ڪري ڇڏيو، قتل ڪيل رمضان کوسو جي ڪيس جي فريادي ڀاءِ عبدالسلام کوسو، رمضان کوسو جي پيرسن پيءُ لکاڏو کوسو ، علي احمد کوسو ، ميوو کوسو ۽ ٻين چيو ته ايس ايس پي ٿرپارڪر شعيب ميمڻ پاران جوڙيل جاچ ٽيم تي اسان جو بلڪل اعتماد نه آھي، سي آئي اي انچارج مبارڪ راڄڙ پنھنجي سئوٽ اڳوڻي ايس ايڇ او حسين بخش راڄڙ کي رات ڏينھن بچائڻ لاءِ ڊڪ ڊوڙ تيز ڪري ڇڏي آھي، قاتلن جا وارث پوليس ۾ ويٺل آھن جيڪي سموري ڪيس تي اثر انداز ٿي رھيا آھن، قاتل گرفتار نه ٿيا مٺي ۾ تااريخي ڌرڻو هنيو ويندو، ايس ايس پي ٿرپارڪر کي هٽايو وڃي، ٻئي پاسي ذريعن موجب ڪلوئي پوليس پاران رمضان کوسو قتل ۾ ملوث جوابدار پھلاج ميگھواڙ جنھن کي گرفتار ڪري ان بعد سي آئي اي پوليس وٽ جاچ لاءِ رکيو ويو آھي سي آئي اي انچارج مبارڪ راڄڙ کيس عدالت ۾ پيش ڪرڻ کان اڳ کيس مختلف طريقن سان ذھني ٽارچر ڏيئي پنھنجي سئوٽ قتل ۾ ملوث ڏيکاريل ايس ايڇ او حسين بخش راڄڙ کي بچائڻ جي ڪوشش ڪرڻ جو به انڪشاف ٿيو آھي.
