ڪراچي (رپورٽر) جماعت اسلامي سنڌ جي اطلاعات سيڪريٽري مجاهد چنا ڪائونسل آف پاڪستان نيوز پيپر ايڊيٽرز (سي پي اين اي) جي ھڪ اجلاس ۾ حڪومت طرفان سرڪاري اشتهارن کي هٿيار طور استعمال ڪرڻ تي ڳڻتي جي اظھار کي ملڪ ۾ پريس جي آزادي جي دعويٰ ڪندڙ حڪومت جي منھن تي چماٽ قرار ڏنو آهي. هڪ بيان ۾ هن چيو ته پارليامينٽ کي ڪنٽرول ڪرڻ کان وٺي سياست ۽ صحافت تائين حڪومت جا ڪارناما سڄي دنيا ۾ ملڪ جي ساک کي خراب ڪري رهيا آهن. ميڊيا کي به گھرجي ته ھو ملڪ ۾ معاشي ناڪامي، سياسي انتشار ۽ وڌندڙ دهشتگردي بابت سرڪاري پريس رليز تي گذارو ڪرڻ بدران قوم کي اصل حقيقتن کان آگاهه ڪري. آءِ ايم ايف طرفان گورننس ۽ ڪرپشن تي جاري ڪيل رپورٽ شهباز حڪومت جا پول پڌرا ڪري ڇڏيا آھن.
