ڪڙيو گهنور (پ ر) سنڌين نيشنل ڪانگريس مرڪز پاران چيف آرگنائيزر محب آزاد، ڊپٽي چيف آرگنائيزر سارنگ جويو ۽ آرگنائيزر سهڻي جويو، آرگنائيزر محسن حسن سولنگي، سنڌين نيشنل اسٽوڊنٽس فيڊريشن جي ڊپٽي چيف آرگنائيزر عديل لغاري جي اڳواڻي ۾ ”سنڌ بچايو مارچ“ڪڙيو گنھور پھتو، چار ڏينهن وارو مارچ سجاول، ميرپور ٻٺورو، کورواھ کان ٿيندو ڪڙيو گهنور پھتو، جتي جسقم آريسر جي مرڪزي ڪلچر سيڪريٽري آصف نظاماڻي ۽ جسقم ناري تحريڪ جي اڳواڻ ڪرن نظاماڻي سميت جسقم آريسر جي ٻين قومي ساٿين ۽ ڀينرن ڪڙيو گھنور ۾ پيادل مارچ جو گل نڇاور ڪري اجرڪون اوڍائي شاندار استقبال ڪيو، ڪڙيو گهنور چوڪ تي محب آزاد، سارنگ جويو، عديل لغاري، آصف نظاماڻي، ڪرن نظاماڻي، غني عاجز ۽ ٻين خطاب ڪندي چيو ته ھي پنڌ مارچ سنڌ وطن جي وارثي جو مارچ آھي، ھي مارچ سنڌ جي زمينن جي وارثي جو مارچ آھي، ھي مارچ پنھنجن وسيلن جي مالڪي جو مارچ آھي، ان ڪري اسان سنڌي قوم وٽ هن پنڌ مارچ ذريعي پيغام کڻي آيا آھيون ته اسان جي ڌرتي ڪارپوريٽ فارمنگ جي نالي ۾ اسان جي پيرن ھيٺان کسڪائي پئي وڃي، اسان جا وسيلا اسان کان ڦريا پيا وڃن، سنڌو تي ڌاڙو ھڻي سنڌ کي بنجر بڻايو پيو وڃي، سنڌ جي ماڻھن جي منشيات ذريعي نسل ڪشي پئي ڪئي وڃي، اسان جي جدوجهد جاري رهندي.
