ڪراچي ( رپورٽر ) قومي اسيمبلي جي اڳوڻي ميمبر ڊاڪٽر محمد ابراهيم جتوئي سنڌ جي وزيراعلى کي خط لکيو آهي جنهن ۾ درخواست ڪئي وئي آهي ته شڪارپور ۾ جاري مهر جتوئي خوني جھگڙو فوري طور ختم ڪرايو وڃي. خط ۾ لکيو ويو آهي ته جھگڙو ختم ڪرڻ لاءِ صلح جو فيصلو 30 نومبر تي ٿيڻو هو، جنهن ۾ مھر پاسي کان سردار علي گوهر خان مهر ۽ غوث بخش مهر ۽ اسان جي پاسي کان ڊاڪٽر محمد ابراهيم جتوئي ۽ ٻيا شامل هئا، پر مھر پاسي جي درخواست تي فيصلو ملتوي ڪيو ويو. خط ۾ چيو ويو آهي ته ٻنهي پاسن کان لڳ ڀڳ چاليهه قيمتي جانيون جھڳڙي ۾ وڃائي ويون آهن، وزيراعلى سنڌ کان درخواست ڪئي وئي آهي ته فوري قدم کنيا وڃن ۽ مھر پاسي کي صلح لاءِ راضي ڪيو وڃي
