لاھور (ويب ڊيسڪ) پاڪستان ٽوئنٽي ٽيم جي ڪپتان سلمان علي آغا اڳوڻي ڀارتي ڪرڪيٽر راهول ڊريوڊ جو 26 سال پراڻو رڪارڊ ٽوڙي ڇڏيو .
سال 2025ع دوران پاڪستان ڪرڪيٽ ٽيم هنيئر تائين 54 انٽرنيشنل ميچون کيڏيون آهن ۽ انهن سڀني ميچن ۾ سلمان علي آغا ٽيم جو حصو رهيو آهي.
اهو ئي سبب آهي جو سلمان علي آغا هڪ سال دوران سڀ کان وڌيڪ عالمي مقابلن ۾ حصو وٺندڙ ڪرڪيٽر بڻجي ويو آهي، اعزاز ٽي ملڪي ٽوئنٽي سيريز ۾ زمبابوي خلاف ميچ کيڏي حاصل ڪيو.
سلمان علي آغا هلندڙ سال 54 ميچون کيڏي اڳوڻي ڀارتي ڪرڪيٽر راهول ڊريوڊ جو 1999ع ۾ قائم ڪيل عالمي رڪارڊ ٽوڙيو، راهول ڊريوڊ 1999ع ۾ گڏيل طور تي 53 انٽرنيشنل ميچون کيڏيون هيون.
ان کانسواءِ پاڪستان جي اڳوڻي ڪپتان محمد يوسف به سال 2000ع ۾ 53 عالمي مقابلن ۾ گرين شرٽس جي نمائندگي ڪئي هئي.
ياد رهي ته گذريل ڏينهن ٽي ملڪي ٽوئنٽي سيريز ۾ پاڪستان زمبابوي کي 69 رنسن تي شڪست ڏئي فائنل لاءِ ڪواليفاءِ ڪري ورتو هو.
