اسلام آباد(زاهد گشڪوري) ضمني چونڊن جا نتيجا پاڪستان جي سياست کي ايندڙ ٽن مهينن ۾ تبديل ڪرڻ وارا آهن. لڳي رهيو آهي ته ن ليگ جا پنج ميمبر کٽي ويندا. ان طريقي سان ن ليگ کي پارليامينٽ ۾ سادي اڪثريت حاصل ڪرڻ لاءِ ويجهي مستقبل ۾ پي پي پي جي ضرورت نه رهندي.مولانا فضل الرحمان جي اهميت تمام گهڻي وڌي ويندي. جيڪڏهن پي پي پي حڪومت مان ٻاهر ٿي وڃي ٿي ته ممڪن آهي ته ايندڙ بجيٽ کان اڳ پاڪستان جو صدر به تبديل ٿي وڃي. سياست هميشه ممڪنات جو راند آهي، تنهنڪري نواز شريف جو ڪردار تمام اهم ٿي ويو آهي.
