ڪراچي(فيصل خان)27 آئيني ترميم آخرڪار منظور ٿي وئي، ۽ هڪ ڀيرو ٻيهر ايم ڪيو ايم بلدياتي ادارن کي آئيني تحفظ ڏياري ڏيڻ ۾ مڪمل طور ناڪام رهي۔ايم ڪيو ايم جا اڳواڻ رڳو تحريرن، تقريرن، پريس ڪانفرنسن ۽ ٽاڪ شوز ۾ گفتار جا غازي بڻيل رهيا، پر ڳالهين ۽ نعريبازيءَ سان ڪڏهن به حقيقي نتيجا نٿا نڪرن۔جڏهن ملڪ ۾ آئيني ترميم بابت سخت ڇڪتاڻ ۽ سياسي جنگ جاري هئي، تڏهن سڄي دنيا ڏٺو ته ايم ڪيو ايم وارا پاڻ ۾ ئي وڙهي رهيا هئا۔انهن جي سڄي ڪوشش ان ڳالهه تي نه هئي ته بلدياتي نظام کي آئين جو حصو بڻائجي، پر ان تي هئي ته پارٽي اندر ڪير وڌيڪ طاقتور ۽ اثرائتو اڳواڻ آهي۔سوشل ميڊيا تي به ايم ڪيو ايم جي اڳواڻن هڪ ٻئي تي الزام تراشي ۽ ڪچڙي اڇلائڻ کي آئيني ترميم کان وڌيڪ اهميت ڏني۔پارٽياندر “قبضي ڪيل گهر” واري جنگ پنهنجي پوري شدت ۽ عورتن جهڙي ڇڪتاڻ واري انداز ۾ جاري آهي۔هاڻي ته جن قوتن هنن کي ٻيهر ميدان ۾ آندو هو، اهي به هن “سس ننهن واري جنگ” کان تنگ اچي چڪيون آهن۔ اهي چون ٿا ته ايم ڪيو ايم هاڻي سندن لاءِ به بار بڻجي وئي آهي۔جن ماڻهن کين واپس متحرڪ ڪيو، انهن کين جيئن جيترو طلب ڪيو، ان کان وڌيڪ ڏنو، پر هاڻي اهي کين سياست جا “چمچا” بڻائي هلائي نه ٿا سگهن۔ مسلم ليگ (ن) ۽ پيپلز پارٽي به فارم 47 جي سياسي فائدي ۾ شريڪ آهن، پر گهٽ ۾ گهٽ پنهنجي سياسي حڪمت عملي پاڻ تيار ڪن ٿيون۔پر ايم ڪيو ايم ايتري ڪمزور ۽ ورهائجي چڪي آهي جو هاڻي پنهنجي سياست پاڻ ڪرڻ جي به قابل نه رهي آهي۔
