لاهور (ويب ڊيسڪ) پاڪستان ڪرڪيٽ بورڊ (پي سي بي) طرفان اڳوڻي ڪپتان ۽ ڪوچ مصباح الحق کي اهم ذميواري ڏيڻ جو امڪان آهي.
ذريعن جو چوڻ آهي ته پي سي بي ڪجهه ڏينهن اڳ ڊائريڪٽر ڪرڪيٽ آپريشنز انٽرنيشنل لاءِ اشتهار جاري ڪيو هو ۽ هاڻي بورڊ طرفان مصباح الحق کي ان عهدي تي مقرر ڪرڻ جو امڪان آهي.
ذريعن جو چوڻ آهي ته اشتهار ۾ قابليت لاءِ پهريون ڀيرو اميدوار اڳوڻي ٽيسٽ ڪرڪيٽر يا ون ڊي انٽرنيشنل ڪرڪيٽر هئڻ جو شرط رکيو ويو هو.
واضح رهي ته پي سي بي ايشيا ڪپ دوران پاڪستان ۽ ڀارت جي تڪرار ۾ صورتحال کي صحيح طريقي سان منهن نه ڏيڻ تي ڊائريڪٽر ڪرڪيٽ آپريشنز انٽرنيشنل عثمان واهلا کي معطل ڪيو هو، پر پوءِ کيس بحال ڪيو ويو هو.
