پيونگ يانگ (ويب ڊيسڪ) اتر ڪوريا پنهنجي سڀ کان طاقتور بين البراعظميٰ بيلسٽڪ ميزائل جي نمائش ڪري ڇڏي.
پرڏيهي ميڊيا موجب اها نمائش هڪ فوجي پريڊ دوران ڪئي وئي، جنهن ۾ روس ۽ چين جون اعليٰ اختياريون به شريڪ هيون.
پريڊ جي اها تقريب حڪومتي جماعت ورڪرز پارٽي جي قيام کي 80 سال مڪمل ٿيڻ تي رٿي وئي، اها اڳڀرائي اهڙي وقت ۾ سامهون آئي آهي، جڏهن اتر ڪوريا جو ليڊر ڪم جونگ ان يوڪرين جي جنگ ۾ روس سان گڏ بيٺو آهي.
ان پريڊ ۾ ملڪ جا ڪجهه جديد ترين هٿيار ڏيکاريا ويا، جن ۾ طاقتور ترين Hwasong-20 بين البراعظمي بيلسٽڪ ميزائل به شامل هو، جيڪو آمريڪا جي ڪنهن به حصي کي نشانو بڻائڻ جي صلاحيت رکي ٿو.
