حيدرآباد دکن(ويب ڊيسڪ) ڀارتي اپوزيشن جماعت ڪانگريس جي سينيئر اڳواڻ ۽ اڳوڻي ڀارتي ڪپتان محمد اظهر الدين پاڪ-ڀارت ميچ دوران رانديگرن جي هٿ نه ملائڻ واري عمل کي اسپورٽس مين اسپرٽ جي ڀڃڪڙي قرار ڏئي ڇڏيو.
هڪ ٽي وي وي پروگرام ۾ ڳالهائيندي اڳوڻي ڀارتي ڪپتان سوريا ڪمار يادو ۽ ٽيم جي رويي تي سخت تنقيد ڪئي.
هن چيو ته ڀارتي ڪپتان ۽ رانديگرن کي پنهنجي ڪارڪردگي سان گڏوگڏ ميدان ۾ پنهنجي ورتاءَ سان به دنيا کي هڪ هاڪاري پيغام ڏيڻ گهرجي.
سندس چوڻ هو ته ڪرڪيٽ سدائين ٻنهي ملڪن ۾ ڇڪتاڻ گهٽائيندي رهي آهي، تازو پاڪ-ڀارت ميچ جي موقعي تي ڀارتي رانديگرن پاڪستاني ٽيم سان هٿ نه ملايو جيڪو راند جي اصل روح جي لتاڙ آهي.
