اسلام آباد(امتياز گل) اهو پهريون ڀيرو ٿيو آهي ته سپريم ڪورٽ يا هاءِ ڪورٽ جا جج پاڻ انصاف لاءِ عدالتن جو در کڙڪائن؟ 19 سيپٽمبر تي اهڙي صورتحال ڏسڻ ۾ آئي، جڏهن اسلام آباد هاءِ ڪورٽ جا پنج جج پاڻ سائل وانگر سپريم ڪورٽ پهتا ۽ پنهنجا خدشا، درخواستون ۽ شڪايتون جمع ڪرايون،جسٽس محسن اختر ڪياني چيو ته اسلام آباد هاءِ ڪورٽ ۽ ان جي آزادي جي تباهي صرف انهيءَ ڪري ٿي رهي آهي جو ڪجهه ججن انتظاميا جي عدالتي معاملن ۾ مداخلت تي اعتراض ڪيو ۽ پنهنجي جج جي حلف جي پاسداري ڪئي۔ يعني سندن بنيادي اعتراض اهو هو ته انٽيليجنس ايجنسيون سندن ڪم ۾ مداخلت ڪري رهيون آهن۔پنجن ججن جو موقف آهي ته:چيف جسٽس سرفراز ڊوگر عدالتي آزادي کي پائمال ڪيو آهي۔ججن جي موومينٽ (موڪلون، ٻاهر وڃڻ) محدود ڪئي وئي آهي۔بئنچ ٺاهڻ ۾ من ماني ڪئي پئي وڃي۔ماتحت عدليه کي به غير مستحڪم ڪيو ويو آهي ڇو ته گهڻا جج ڊپيوٽيشن تي آهن، مسلم ليگ (ن) جي سينيٽر عرفان صديقي تازو بيان ۾ چيو آهي ته حڪومت پريشان آهي.هن جو لهجو اهڙو لڳي ٿو ڄڻ هو ججن ۽ پي ٽي آءِ جي ميمبرن کي ڀڙڪائڻ يا استعيفائن ڏانهن ڌڪڻ چاهي ٿو۔سينيئر رپورٽر سهيل خان مطابق صورتحال اهڙي آهي ڄڻ عدليه ۾ هڪ تحريڪ اڀري رهي آهي، جيڪا جنرل پرويز مشرف واري دور (2007ع) جي تحريڪ سان ڀيٽجي سگهي ٿي۔ فرق اهو آهي ته ان وقت وڪيل برادري مڪمل طور عدليه سان گڏ هئي ۽ اسٽيبلشمينٽ به آخرڪار شامل ٿي وئي هئي، پر هاڻي عدليه اندر ئي ورهاست آهي۔ان باوجود، پنج ججن جو سپريم ڪورٽ وڃڻ هڪ وڏي آئيني ۽ قانوني بحران جي نشاندهي ڪري ٿو، جيڪو ايندڙ هفتن ۾ حڪومت لاءِ وڏو چيلينج بڻجي سگهي ٿو۔عرفان صديقي جو بيان ظاهر ڪري ٿو ته حڪومت پاڻ به عدم اعتماد جو شڪار آهي ۽ ان کي خبر آهي ته هي معاملو ڪنهن وڏي تحريڪ جو سبب بڻجي سگهي ٿو۔
