شارجا (ويب ڊيسڪ) ٽي ملڪي سيريز ۾ يو اي اي خلاف ميچ دوران محمد حارث جلدي آئوٽ ٿيڻ تي آپي مان نڪري ويو ۽ ڪاوڙ ۾ پنهنجي بيٽ ڀڃي ڇڏيائين.
محمد حارث گذريل ڪيترين ئي ميچن ۾ وڏي اننگز کيڏڻ ۾ ناڪام رهيو آهي، گذريل ڏينهن يو اي اي خلاف ميچ ۾ به هو رڳو هڪ رنس ٺاهي آئوٽ ٿيو.
وڪيٽ ڪيپر بيٽر سيريز جي پهرين ميچ ۾ افغانستان خلاف به سٺي ڪارڪردگي نه ڏيکاري هئي، جڏهن ته گذريل رات يو اي اي خلاف ميچ ۾ جلدي آئوٽ ٿيڻ تي هن ڪاوڙ ۾ پنهنجي بيٽ ڀڃي ڇڏي.
محمد حارث طرفان بيٽ ڀڃڻ جي وڊيو سوشل ميڊيا تي وائرل ٿي وئي، جنهن تي شوقينن طرفان کيس سخت تنقيد جو نشانو بڻايو پيو وڃي.
