نارووال (ويب ڊيسڪ) راوي درياهه ۾ غير معمولي ٻوڏ سبب پاڪستان ۽ ڀارت جي سرحد تي قائم تاريخي ڪرتارپور گرودواري جي ڪمپائونڊ ۾ ڦاٿل 80 کان وڌيڪ ياترين کي ريسڪيو ڪرڻ جو آپريشن جاري آهي.
بي بي سي اردو جي رپورٽ موجب، گرودوارا ۾ ڦاٿل ماڻهن ۾ ياترين سان گڏ انتظاميا جا عملدار به شامل هئا.
ريسڪيو ٿيندڙ عملدارن ميڊيا کي ٻڌايوته ” ٻوڏ جو پاڻي گرودواري ۾ داخل ٿيڻ سبب عمارت کي به شديد نقصان پهتو آهي.
سندن چوڻ هو ته هو گذريل رات کان ڦاٿل هئا ۽ ان دوران عمارت جي مٿئين منزل تي پناهه ورتي هئي.
