ڪوئيٽا(م ڊ) سيڪيورٽي فورسز 14 آگسٽ تي تخريبڪاري جو منصوبو ناڪام بڻائيندي يونيورسٽي جي گريڊ 18 جي ليڪچرار کي گرفتار ڪري ورتو، جنهن دهشتگردن جي سهولتڪاري جو اعتراف به ڪيو آهي، ان حوالي سان بلوچستان جي وڏي وزير سرفراز بگٽي پريس ڪانفرنس ۾ ٻڌايو ته دهشتگردي جي خاتمي واري کاتي ۽ ٻين فورسز بلوچستان جي امن لاءِ وقت سر ڪارروائي ڪندي هڪ وڏي سانحي کان بچائي ورتو، پهريون ڀيرو مجيد برگيڊ جي ڪنهن عهديدار کي گرفتار ڪيو ويو آهي، جيڪو پاڻ کي استاد سڏائيندو هو پر ٻارن کي گمراهه ڪري رهيو هو، پريس ڪانفرنس ۾ گرفتار پروفيسر عثمان قاضي جو اعترافي بيان به جاري ڪيو ويو، جنهن ۾ هن ٻڌايو ته رياست مون کي عزت ۽ مقام ڏنو پر مون رياست سان غداري ڪئي ۽ دهشتگردن جي سهولتڪاري ڪئي، هن انڪشاف ڪيو ته هو ڪوئيٽا ريلوي اسٽيشن حملي ۾ ملوث گروهه سان ڳنڍيل رهيو ۽ دهشتگردن سان رابطن لاءِ ٽيليگرام ايپ استعمال ڪندو رهيو، 2020 ۾ قائداعظم يونيورسٽي جي هڪ دوري دوران شدت پسند تنظيم جي ميمبرن سان ملاقات ٿي ۽ پوءِ بشير زيـب جي ذريعي ان گروهه ۾ شامل ڪيو ويو، عثمان قاضي بيان ۾ وڌيڪ ٻڌايو ته هو بيوٽم يونيورسٽي ۾ پاڪستان اسٽڊيز پڙهائيندو رهيو آهي، هن دهشتگرد تنظيم جي هڪ عورت کي پسٽول فراهم ڪيو، جيڪو سرڪاري آفيسرن جي ٽارگيٽ ڪلنگ ۾ استعمال ٿيو، ٻي پاسي دهشتگردي جي خاتمي واري عدالت گرفتار ليڪچرار کي 14 ڏينهن جي جسماني ريمانڊ تي سي ٽي ڊي حوالي ڪري ڇڏيو آهي.
