اسلام آباد (ويب ڊيسڪ) وزيراعظم شهباز شريف کنڊ جي حوالي سان اجلاس ۾ هدايت ڪئي آهي ته معاهدي جي ڀڃڪڙي ڪري وڌيڪ اگهه وصول ڪندڙن خلاف سخت ڪارروائي ڪئي وڃي.
وزيراعظم جي صدارت هيٺ کنڊ جي حوالي سان اجلاس ٿيو، جنهن ۾ اختيارين طرفان کيس بريفنگ ڏني وئي.
اختيارين ٻڌايو ته کنڊ جي هٿرادو کوٽ پيدا ڪندڙن خلاف ڪارروائيون جاري آهن.
وزيراعظم پاڪستان شگر ملز ايسوسيئيشن ۽ حڪومت وچ ۾ طئي ٿيل معاهدي تي عملدرآمد جي هدايت ڪئي.
هن کنڊ جي ايڪس مل قيمت 165 رپيا ۽ ريٽيل 173 رپيا تي سختي سان عملدرآمد جي هدايت ڪئي ۽ چيو ته معاهدي جي ڀڃڪڙي ڪري وڌيڪ اگهه وصول ڪندڙن خلاف سخت ڪارروائي ڪئي وڃي.
وزيراعظم چيو ته ڪنهن کي به عوام جي معاشي استحصال جي اجازت نه ڏينداسين.
