لاهور (ويب ڊيسڪ) پنجاب اسيمبلي ۾ ن ليگ جي ميمبر راحيلا خادم حسين اپوزيشن ميمبرن تي هراساني جو الزام هڻي ڇڏيو.
پنجاب اسيمبلي ۾ معطل اپوزيشن ميمبرن جي ڏکيائين ۾ واڌ ٿي وئي، پنجاب اسيمبلي جي تاريخ ۾ پهريون ڀيرو عورت ميمبر ورڪ پليس هراساني جي درخواست اسپيڪر کي جمع ڪرائي ڇڏي.
راحيلا خادم حسين اپوزيشن جي معطل 26 ميمبرن مان 4 جي رڪارڊنگ به اسپيڪر کي موڪلي آهي.
درخواست ۾ موقف اختيار ڪيو ويو آهي ته اپوزيشن ميمبرن انتهائي غير پارلياماني ٻولي استعمال ڪئي، اپوزيشن جي عورت ميمبر به گاريون ڏيڻ ۾ ڪا ڪسر نه ڇڏي، اپوزيشن ميمبرن گاريون ڏنيون ۽ ورڪ پليس تي هراسان ڪيو.
هن چيو ته اپوزيشن رولز آف پروسيجرز 223 جي پاسداري نه ڪندي حلف جي ڀڃڪڙي ڪئي، تنهنڪري نااهل جي سوال تي اسپيڪر رولنگ ڏئي.
