اسلام آباد (اسد طور) گهرو وزير محسن نقوي صدر آصف علي زرداري کي هٽائڻ وارين خبرن کي بي بنياد قرار ڏئي ڇڏيو. پاڪستان ۾ اڪثر اهڙيون خبرون ٻن مقصدن سان پکيڙيون وينديون آهن: يا ته ڪنهن کان ڪا ڳالهه مڃرائڻي هوندي آهي، يا اسٽيبلشمينٽ اندر ڪجهه ماڻهو آرمي چيف جا ڪن ڀريندا آهن ته ائين ڪجي ته وڏو فائدو ٿيندو. نقوي موجب آرمي چيف پاڻ فيصلا نه ڪندو، اصل اثر انهن ماڻهن جو هوندو آهي جيڪي سندس ڪن ڀريندا آهن، ۽ اڪثر اهي ئي فيصلا ڪرائيندا آهن. اهڙن ڪردارن جي ذريعي ئي اربين رپين جا اثاثا ٺهندا آهن، ۽ هو صدر مقرر ڪرڻ جي تجويزون به ڏئي سگهن ٿا. گهرو وزير جو چوڻ هو ته جيڪڏهن ترديد اچي وئي آهي ته ان مان لڳي ٿو ته ڪن ڀرڻ وارن جي ڳالهه هن ڀيري نه مڃي وئي.
