لنڊن/نيويارڪ (م ڊ) مارڪيٽ ماھرن جو چوڻ آهي ته تيل جي عالمي واپار جي شروعات سان ئي اگهن ۾ 3 کان 5 ڊالر في بيرل واڌ جو امڪان آهي، جيڪو ايران تي آمريڪي حملي سبب ٿي رهيو آهي. ايران اوپيڪجو ٽيون وڏو تيل پيدا ڪندڙ ملڪ آهي، ۽ تڪرار وڌڻ سان خطي ۾ خطرو وڌي سگهي ٿو. برينٽ جمعي تي 77.10 ڊالر ۽ ڊبليو ٽي آءِ 73.84 ڊالر تي بند ٿيو، پر تجزيه نگارن مطابق نئين هفتي جي شروعات تي قيمت 4-5 ڊالر وڌي سگهي ٿي. في الحال، اوپيڪ جي ٻين ملڪن وٽ واڌو پيداوار موجود آهي، جيڪا سپلاءِ کي متوازن رکڻ ۾ مددگار ٿي رهي آهي. يو بي ايس موجب، قيمتن جو ايندڙ رخ ايران جي ردعمل ۽ خطي ۾ ڇڪتاڻ جي شدت تي دارومدار رکندو.
