تل ابيب (ويب ڊيسڪ) اسرائيلي فوج دعويٰ ڪئي آهي ته هو ڪيئي ورهين کان ايران تي حملي لاءِ پاڻ کي تيار ڪري رهي هئي.
اسرائيل جي چيف آف جنرل اسٽاف ايال زمير چيو ته ويجهڙائي وارن مهينن دوران اِها تياري انتهائي ڳجهي طريقي سان ڪئي وئي.
هن وڌيڪ تفصيل ڏيڻ بنا دعويٰ ڪئي ته هي آپريشن ”عمل ۽ اسٽريٽجڪ حالتن جي بهتر ٿيڻ سبب ممڪن بڻيو “ ۽ ان ۾ دير ڪرڻ خطرناڪ ثابت ٿئي ها ڇو ته اهڙي صورت ۾ حالتون وڌيڪ بگڙي سگهن پيون ۽ اسرائيل کي نقصان پهچڻ جو خدشو هو.
ايال زمير دعويٰ ڪئي ته ”اسان هڪ طاقتور ۽ اوچتو حملو ڪري بهترين نتيجا حاصل ڪيا.“
