ڪراچي (ويب ڊيسڪ) ڀارتي شهر احمد آباد ويجهو ايئر انڊيا جي مسافر جهاز سان پيش آيل هوائي حادثي تي پاڪستان پيپلز پارٽي جي چيئرمين بلاول ڀٽو زرداري ۽ خاتون اول آصفه ڀٽو زرداري طرفان افسوس جو اظهار ڪيو ويو آهي.
پرڏيهي ميڊيا رپورٽن موجب، جهاز ۾ عملي سميت 242 مسافر سوار هئا، جڏهن ته حادثي ۾ وڏي جاني نقصان جو خدشو ظاهر ڪيو پيو وڃي.
آصفه ڀٽو زرداري بيان جاري ڪندي چيو ته احمد آباد ۾ پيش آيل هوائي حادثي جي افسوسناڪ خبر ملي، هن ڏکي گهڙيءَ ۾ پاڪستان ڀارتي عوام سان دلي همدردي جو اظهار ڪري ٿو، دعائون متاثرن ۽ سندن خاندانن سان گڏ آهن.
بلاول ڀٽو زرداري به حادثي تي افسوس جو اظهار ڪندي چيو ته هو ڀارتي عوام جي ڏک ۾ برابر جو شريڪ آهي ۽ متاثر خاندانن سان تعزيت ڪري ٿو.
