ڊيرا غازي خان (ويب ڊيسڪ) ڊيرا غازي خان جي قبيلائي علائقي ۾ عورت سان لاڳاپن جي الزام ۾ جرڳي هڪ شخص کي پنهنجي بي گناهي ثابت ڪرڻ لاءِ اونهي پاڻي ۾ ڇڏي ڏنو.
جرڳي جي فيصلي کانپوءِ الزام هيٺ آيل شخص پاڻي ۾ مقرر وقت تائين رهڻ بعد جيئرو نڪري آيو، قبيلائي رسم موجب الزام هيٺ آيل شخص ٻئي شخص جي 22 قدم هلڻ تائين پاڻي ۾ رهندو ۽ کيس پنهنجو منهن به پاڻي ۾ اندر ئي رکڻو آهي.
واقعي کانپوءِ جرڳو ڪندڙن تي ڪيس داخل ڪري 9 ڄڻن کي گرفتار ڪيو ويو آهي.
متاثر شخص چيو ته مون تي ڪوڙو الزام هنيو ويو، منهنجي حياتي به وڃي پئي سگهي، وزيراعليٰ پنجاب انصاف ڪري.
