نوساري (ويب ڊيسڪ) ڀارت جي باني مهاتما گانڌي جي پڙ پوٽي نيلم بين پاريک ديهانت ڪري وئي.
پرڏيهي ميڊيا رپورٽس موجب، ڀارتي رياست گجرات جي شهر نوساري ۾ گذريل ڏينهن مهاتما گانڌي جي پڙپوٽي نيلم بين پاريک 93 ورهين جي عمر ۾ لاڏاڻو ڪري وئي.
نيلم بين پاريک مهاتما گانڌي جي پٽ هري داس گانڌيءَ جي پوٽي هئي ۽ پنهنجي پٽ ڊاڪٽر سمير پاريک سان نوساري ضلعي ۾ رهندي هئي.
نيلم بين جون آخري رسمون 3 اپريل صبح 8 وڳي سندس رهائش گاهه تي ادا ڪيون ويون.
واضح رهي ته نيلم بين گانڌي جي نظرئي جي پرچارڪ هئي، هن پنهنجي حياتي سچائي ۽ انساني ڀلائي لاءِ ارپي ڇڏي هئي.
