اسلام آباد(اعزاز سيد)اي اين پي جي سينيٽر ايمل ولي قومي سلامتي بابت پارلياماني ڪميٽي اجلاس ۾ مسڪرائيندي چيو ته مسئلو حل ٿي ويو وزيراعظم صاحب! آرمي چيف پاڻ چوي ٿو ته اسان سرحدن تي وڃڻ گهرون ٿا.هن اڳين قطارن ڏي اشارو ڪندي چيو ته هي قطارون (وزيرن جي فوج) به ختم ڪريو.گهرو وزير نظر نه پيو اچي .اجلاس ۾ نوازشريف کي شرڪت ڪرڻ گهرجي ها پر هن شرڪت نه ڪئي.ايمل ولي چيو ته خوشي آهي ته اڄ توهان(آرمي چيف ۽ فضل الرحمان) اهي ڳالهيون ڪيو ٿا جيڪي منهنجو ڏاڏو پڙڏاڏو ڪندو هئو ته هي جهادي توهان جا اسٽريٽجڪ اثاثا نه ٿا ٿي سگهن.هن چيو ته ٽرٿ اينڊ ري ڪنسيليشن ڪميشن بڻائي وڃي، ججن جنرلن سڀني جو احتساب ٿيڻ گهرجي.
