اسلام آباد(بيورو رپورٽ) اسلام آباد هاءِ ڪورٽ ۾ ججن جي بدلي کانپوءِ ساڻن گڏ آيل عملي پاران رشوت وٺڻ جون شڪايتون سامهون آيون. جسٽس بابر ستار جي سيڪريٽري شڪايتن جي ازالي ۽ انڪوائري لاءِ رجسٽرار کي خط لکيو. جسٽس بابر ستار جي هدايت تي لکيل خط جي ڪاپي سمورن ججن جي سيڪريٽرين کي به موڪلي وئي آهي. خط ۾ چيو ويو آهي ته انڪوائري ڪري ان برائي جو خاتمو آندو وڃي ۽ ملوث عملدارن خلاف ڪارروائي ڪئي وڃي. خط ۾ چيو ويو آهي ته اسلام آباد هاءِ ڪورٽ جي ڪورٽ رومز ۽ ڪوريڊور جي وڊيو مانيٽرنگ ڪئي پئي وڃي. رجسٽرار آفيس گذريل ٻن هفتن کان فوٽيج ڪڍي سگهي ٿو ته عملي کي پئسا طلب ڪندي ڏسي سگهجي ٿو، جيڪڏهن اهڙن مطالبن جون رپورٽون سچ ثابت ٿيون ته ملوث عملدارن خلاف سخت ڪارروائي ڪئي وڃي. رپورٽ ۾ ڄاڻايو ويو آهي ته عدالتي عملو امدادي جوابدارن ۽ وڪيلن جو پيڇو ڪري ٿو ۽ رقم گهري ٿو. اسلام آباد هاءِ ڪورٽ ۾ هڪ پريشان ڪندڙ عمل پنهنجي سر ٻيهر شروع ڪري ڇڏيو آهي. خط ۾ وڌيڪ چيو ويو آهي ته هاءِ ڪورٽ جي ملازم جو رليف جي درخواست ڪندڙ يا وڪيل کان پئسا گهرڻ بدانتظامي آهي، هاءِ ڪورٽ سميت سموريون عدالتون شهرين جي خدمت (انصاف جي فراهمي) لاءِ آهن.
