ڄامشورو( رپورٽ: صدر الدين جوڻيجو ) ترقي پسند پارٽي جي سربراهه ڊاڪٽر قادر مگسي چيو آهي ته حڪمرانن سنڌ کي مسئلستان بڻائي ڇڏيو آهي، اسان سنڌي پاڪستان ٺھڻ کان وٺي اڄ تائين جمھوريت جي بحالي جي جدوجھد جي سزا ڀوڳي رھيا آھيون، ھن اهڙن خيالن جو اظهار ڄامشوري ۾ سنڌو جي پاڻي تي ڌاڙي، 6 نوان ڪئنال ڪڍڻ خلاف شھر ۾ ڪڍيل احتجاجي ريلي ۾ شامل ماڻهن کي خطاب ڪندي ۽ ميڊيا سان ڳالهائيندي ڪيوهن جو وڌيڪ چوڻ هو ته سڀني سنڌ دشمن منصوبن جو مرڪزي ڪردار اسان مٿان ٿاڦيل آصف زرداري آھي، آصف زرداري اھو سمجھيو ته آئون سنڌ جي ڪجهھ وڏيرن کي راضي ڪري ڪئنال منظور ڪرائي ويندس پر ائين ڪڏھن ڪونه ٿيندو، هن وڌيڪ چيو ته سنڌ مهانگائي، بدامني، منشيات جي وڪري سوڌو گهڻن ئي مسئلن جو شڪار آهي، جلسي ۾ ايس ٽي پي جا مرڪزي اڳواڻ هوت خان گاڏهي، سرواڻ مگسي، حيدر شاھاڻي, حيدر ملاح, محمد علي ابڙو، گوتم چنا، ساگر الاهي بخش عالماڻي، راجا جکراڻي، مدثر عباسي، مبين تيوڻو ۽ مقامي اڳواڻ موجود ھئا.
