ڪراچي (ويب ڊيسڪ) سنڌ سرڪار گاڏين جي مالڪن کي نيون نمبر پليٽون لڳائڻ لاءِ آخري مهلت ڏئي ڇڏي.
ايڪسائز اينڊ ٽيڪسيشن واري صوبائي وزير مڪيش چاولا چيو آهي ته 3 اپريل کان پوءِ صوبي ۾ نيون اجرڪ واريون نمبر پليٽس کانسواءِ گاڏين جي ڪا به نمبر پليٽ قابل قبول نه هوندي.
هن وڌيڪ چيو ته ون ونڊو آپريشن لاءِ ٽريفڪ پوليس کي سوڪ سينٽر ۽ فيسيلٽيشن سينٽرز تي ڪائونٽر فراهم ڪيو ويندو.
سندس چوڻ هو ته ٽريفڪ پوليس جي چيڪ پوائنٽس تان پڻ گاڏين جون نيون نمبر پليٽون مقرر وقت ۾ حاصل ڪرڻ کي يقيني بڻايو ويندو.
مڪيش چاولا وڌيڪ چيو ته واجب الادا چالان واري گاڏين جي ٽرانسفرز ۽ ٽيڪس ادائيگين کي چالان جي ادائيگين سان مشروط ڪيو ويندو.
