حيدرآباد (پ ر) عوامي تحريڪ جي مرڪزي صدر ايڊووڪيٽ وسند ٿري، مرڪزي سينئر نائب صدر نور احمد ڪاتيار، مرڪزي اڳواڻ ايڊووڪيٽ اسماعيل خاصخيلي ۽ ڊاڪٽر دلدار لغاري پنهنجي گڏيل پريس بيان ۾ چيو آهي ته 6 نون ڪئنالن بابت پيپلز پارٽي جي قيادت فقط بيان جاري نه ڪري پر قومي اسيمبلي ۽ سينيٽ ۾ ٺهراءَ پيش ڪري. نوان ڪئنال ڪڍي سنڌ کي مڪمل طور تباهه ۽ برباد ڪرڻ جي سازش ڪئي وئي آهي. صدر زرداري ڪارپوريٽ فارمنگ ڪمپنين کي سنڌو درياهه جو پاڻي وڪرو ڪرڻ لاءِ ارسا ايڪٽ ۾ ترميم ڪئي آهي.
