نيويارڪ (ويب ڊيسڪ ) جڳ مشهور اداڪارا پريانڪا چوپڙا جي ايگزيڪٽيو پروڊيوسر طور مختصر فلم ” انوجا“ آسڪر جي فهرست ۾ شامل ٿي وئي.
پرڏيهي ميڊيا رپورٽس موجب، پريانڪا چوپڙا جي مختصر فلم ” انوجا “ کي مارچ ۾ ٿيندڙ آسڪر ايوارڊز جي نامزدگين ۾ شارٽ لسٽ ڪيو ويو آهي.
اِها فلم ڀارتي راڄڌاني نئين دهلي ۾ فلمائي وئي آهي، جنهن جي ڪهاڻي ننڍي عمر واري ڇوڪري انوجا جي چوڌاري ڦري ٿي.
فلم ۾ ٻارن جي پورهئي ۽ تعليم سان لاڳاپيل مسئلن تي ويچاريو ويو آهي، اِها فلم ان کان اڳ شارٽ فلم فيسٽيول ۾ لائيو ايڪشن شارٽ ايوارڊ حاصل ڪري چڪي آهي.
ميڊيا رپورٽس موجب، فلم جو هدايتڪار ايڊم جَي گريو آهي جڏهن ته ساچيترا مٽائي ان کي پروڊيوس ڪيو آهي.
