ممبئي(ويب ڊيسڪ ) ڀارتي ٽيليويزن جي اداڪارا ۽ بگ باس 17 جي اڳوڻي اميدوار عائشه خان پاڻ کي ڀارتي هانيا عامر قرار ڏيڻ تي ردعمل اچي ويو.
ويجهڙ ۾ عائشه خان هڪ انٽرويوءَ ڏنو جنهن ۾ ميزبان کائنس سوال ڪيو ته ” اوهان ڀارت جي هانيا عامر چئجي اوهان جو ردعمل ڇا هوندو؟“
جواب ۾ اداڪارا چيو ” هانيا ڏاڍي خوبصورت آهي، هوءَ نه رڳو هڪ سٺي عورت آهي پر بهترين اداڪارا پڻ آهي، هوءَ گانا به ڳائي ٿي پر مان گلوڪاري نٿي ڪري سگهان.“
عائشا پاڻ کي هانيا سان ڀيٽڻ تي خوشيءَ جو اظهار ڪندي چيو ته ” مون کي خوشي آهي ته منهنجو نالو هانيا عامر سان ڳنڍيو پيو وڃي.“
