واشنگٽن(م ڊ) آمريڪا جي نئين چونڊيل صدر ڊونلڊ ٽرمپ کي پي ٽي آءِ جي باني کان پري رهڻ جو مشورو ڏنو ويو آهي، مشهور آمريڪي اخبار واشنگٽن ايگزامنر ۾ شايع ٿيل هڪ مضمون ۾ پي ٽي آءِ باني جي سياست آمريڪي مفادن لاءِ خطرو بڻجي سگهي ٿي، سندس سياسي حڪمت عملي جو بنياد آمريڪا مخالف آهي ۽ هن پنهنجي سياسي مفادن لاءِ آمريڪا مخالف مهم هلائي، جنهن کيس عوام ۾ مقبول بڻايو، پي ٽي آءِ باني جي شخصيت تي اعتبار نٿو ڪري سگهجي، طالبان جي حمايت، دهشتگردي خلاف جنگ ۽ اسامه بن لادن بابت سندس خيال آمريڪا جي حمايت جي بلڪل ابتڙ آهن،عمران خان هڪ تڪراري شخصيت آهي، آمريڪي حڪومت ڪنهن به نئين تڪرار جي متحمل نه ٿي سگهي. پاڪستان ۽ آمريڪا جا لاڳاپا هميشه پائيدار امن جي ضمانت رهيا آهن ۽ پي ٽي آءِ باني سان سهڪار سان ٻه طرفا لاڳاپا خراب ٿي سگهن ٿا، آمريڪي حڪومت جي بهتري پي ٽي آءِ جي باني کان پري آهي.
