پيرجوڳوٺ (رپورٽ:وسيم سنڌي ) پيرڳوٺ واسي نوجوان ڪراچي کان دادو ويندي مبينا طور اغوا، ڌاڙيلن پاران وارثن کان 50 لک ڀنگ طلب، وڊيو تي تشدد واري وڊيو وائرل. رپورٽ موجب پيرڳوٺ ڀرسان ڳوٺ مگرجي جو رهواسي نوجوان وسيم احمد ولد محمد خان شيخ ڪراچي کان دادو ويندي رستي مان مبينا طور اغوا ٿي ويو آهي. ان سلسلي ۾ نوجوان جي وارثن جو چوڻ آهي ته نوجوان وسيم شيخ ڪراچي جي ڀينس ڪالوني پورهيو ڪندو آهي جيڪو 5 ڏينهن اڳ دادو طرف وڃڻ لاء نڪتو ته گم ٿي ويو مسلسل نمبر بند هيو ڌاڙيل ڪال ڪري نوجوان جي اغوا جو اطلاع ڏنو آهي جڏهن ته سندس بازيابي لاء 50 لک روپيه ڀنگ طلب ڪئي وئي آهي ڀنگ نه ڏيڻ جي صورت ۾ نوجوان جو لاش ڏيڻ جي ڌمڪي ڏني آهي.نوجوان تي تشدد جي وڊيو به وائرل ٿي وئي آهي هنن چيو ته اسان مسڪين آهيون . معاملي جو نوٽيس وٺي نوجوان کي بازياب ڪرائي پريشاني ختم ڪئي وڃي.
