اسلام آباد/ڪراچي (م ڊ) ملڪ جي سڀ کان وڏي شهر ۽ صوبائي راڄڌاني ڪراچي سميت وفاقي راڄڌاني اسلام آباد ۽ ان سان واڳيل شهرن ۾ 24 نومبر کان انٽرنيٽ سستي جو شڪار آهي. اسلام آباد، راولپنڊي، لاهور، مري، ڪراچي، پشاور، بنون، ڊيرا غازي خان، گوجرانوالا، حافظ آباد، راجن پور، فيصل آباد، جهانيان ۽ وهاڙي سميت ٻين علائقن ۾ انٽرنيٽ سست آهي. ملڪ جي مختلف شهرن ۾ واهپيدارن کي واٽس ايپ، فيس بڪ، انسٽاگرام، ايڪس ۽ ٿريڊس جهڙيون ايپليڪيشنون استعمال ڪرڻ ۾ ڏکيائين کي منهن ڏيڻو پيو.
